Gan adeiladu ar ein sesiwn gyflwyno ar arolygon a monitro gweirgloddiau, mae’r weminar hon ar-lein yn canolbwyntio ar ddull asesu Rapid Grassland Assessment. Mae’r dull hwn yn monitro cyflwr glaswelltir dros gyfnod hirach o amser a gall roi adborth uniongyrchol ar gyfer dulliau rheoli. Mae’r weminar hon ar gyfer perchnogion safleoedd glaswelltir fel tiroedd pori, dolydd gwair neu weirgloddiau cymunedol, ac mae fwyaf addas ar gyfer pobl a hoffai ddechrau monitro eu glaswelltiroedd yn rheolaidd, naill ai i asesu cynnydd y gwaith adfer neu i fonitro amrywiaeth planhigion mewn gweirglodd sefydledig.